Աղբի խնդիրը Հայաստանում

Մտահոգվելով Հայաստանի բնական և պատմական ժառանգության պահպանմամբ՝ ՍԵՎԱԿ Ասոցիացիան, արվեստագետ Ալինա Մնացականյանի հետ համագործակցելով, 2011 թվականին նախաձեռնեց մի ինքնատիպ նախագիծ՝ համատեղելով արվեստը և ուսուցումը՝ մարտահրավեր նետելու հասարակության լայն զանգվածներին Հայաստանի պատմական անցյալի, երկրի ներկա իրավիճակի և ապագա սերունդների վերաբերյալ:

2011 թվականի հոկտեմբերի վերջին սկսվել է նախապատրաստական փուլը հայտնի Սևանա լճի ափամերձ տարածքներում աղբահավաքման աշխատանքներով, որոնց հիմնականում մասնակցել են Լճաշեն գյուղի դպրոցականները և մայրաքաղաք Երևանի ուսանողները: Երկու օրվա ընթացքում նախագծին մասնակցել են 130 կամավորներ, և շուրջ 9մ3 աղբ է հավաքվել, տեսակավորվել և, այնուհետև, պահեստավորվել Լճաշեն համայքում: Աղբահավաքման նոր փուլերը տեղի են ունեցել 2012-ի հուլիսին գյուղի շրջակայքում::

Աղբահավաքման այս միջոցառումները հնարավորություն տվեցին հասարակության ուշադրությունը հրավիրել երկրում թափոնների խնդրի վրա, մաքրել բազմաթիվ աղտոտված տարածքներ, բայց նաև «նոր կյանք» հաղորդել դեն նետված անպետք իրերին. տեսակավորելով և վերամշակելով դրանք՝ նոր իրեր ստեղծել՝ միաժամանակ զարգացնելով ստեղծագործական երևակայությունը:

Ծրագիրն իրականացվել է ՝
- Հարավային Կովկասում Շվեյցարիայի համագործակցության գրասենյակի,
-Երևան քաղաքապետարանի,
- Լճաշեն համայքի,
- ՀՀ նախարարությունների (բնապահպանության, կրթության, քաղաքաշինության և էկոնոմիկայի),
- Երևանի արվեստի և մշակութային հետազոտությունների լաբորատորիայի (ԱՄՀԼ),
- Էկո-Ինջինիիրինգի,
- Հետազոտության և ջրասույզների հայկական կենտրոնի (CARPS) հետ համագործակցությամբ: